بتزعل بسرعة

أنا من الناس اللي بتزعل بسرعة، ودي يمكن واحدة من أسوأ الصِفات اللي فيّا واللي لحد دلوقتي مش عارف أتخلّص منها.
دايمًا باخُد كل حاجة على أعصابي، وبركّز في تفاصيل الكلام زيادة عن اللزوم .. وبحلل الكلمة وأفكر فيها من كذا اتجاه.

ممكن حد يرمي كلمة في وسط القاعدة وهو فاكرها حاجة عادية، واللي حواليا يفتكروا إني عدّيتها .. بس الحقيقة إنّي ما بعدّيش، والكلمة بتفضل ترن في ودني فترة طويلة.

التركيز الزيادة والتفكير المفرط دول بيتعبوني جدًا، وبيأثروا على حالتي النفسية بطريقة بشعة، ويمكن أكتر مما أي حد يتخيل.🥀🖤