حاول ماتموتش ✋

((حاول إنك ماتموتش قبل ماتموت))
دى مش فزورة .. إقرأ الجملة تانى بقلبك عشان تحس معناها !
الموت مش بس معناه إن الروح تنفصل عن الجسد .. الموت معناه إنك تعيش بـ قلب ماتت جواه الحياة .. قلب إنطفت لمعته من كُتر الخذلان و الصدمات إللى قابلها فى حياته .. الموت هو إنك تعيش بـ روح مطفية زى اللوحة القديمة إللى الزمن خلى ألوانها بهتانة .. كل صدمة مرينا بيها أكلت من روحنا حتة .. كل حد غالى فارقنا أخد معاه جزء من فرحتنا .. صحيح إن كله بيعدى بس و هو معدى بيسيب جوانا أثر .. بيحفر جوة روحنا ذكرى .. متخليش أى حاجة تطفى اللمعة و الحياة إللى جواك .. خليك عنيد و إحمى قلبك و روحك .. إتعلم من ضعفك و متخليهوش يعلِّم عليك .. إنت بتعيش الحياة مرة واحدة ، فـ على الأقل عيشها و إنت عايش .✋