دير_الخير_وأنسي

#دير_الخير_وأنسي 💜
التقعميزه بينكـ وبين نفسكـ هديكا الي تنوض فِي المواجع لما تتفكري من سنتين فلانه إلي درتـي فيها الخير لين عيييتي وفِي الأخير طلعت ما تستاهلش 💔

تحسي قلبكـ ممغوص لأنة درتـي الخير ومـا نفعش فيهم كنتي ماشيه معاهم بنيه بينما هما كانو أخبث مِنْ بعض 💜

محرهـا لما تقعدي تتفكـري في الموقف و تحسي بغصه 💔 اني كيف انضحك عليا هكي 💔
مهما كان الإنسان فالح وما يفوت عليه شئ لازم لازم يطيح في حفره يحفرهاله شخص تاني و يطلع للأسف غبي فا بذلكـ بيحصل كف مقوم ✋🏻ويفيقكـ

كـأنكم تقولولي علاش تفيقي علينا المواجع 💔 .....!
يا بنتي ما تضايقيتش ولا تزعلـي عليهم ...!
هوا هدا شن عندكـ ولا كانك ريحتيني 💔...!
يا غاليه اني نبي انوصلهولكـ ان الخير الي درتيه في نظرك ممكن هيا ما تستاهلاش لكن انت تساهلي ...💛
كيف اي تستهالي الجنة 💜

شفتي لما تحسي بنخست شوكه صغيره هديكا فيها كفارة ذنب مابالك بنخسات القلب 💜

نبي نبشرك ان انت في يوم كنتي بلسم للناس في اليوم الي حسيتي فيه نفسك انضحك عليك نحب نقولك لا انت كنتي حاجه حلوه لها الناس
كنتي اليد الحنونه الي اطبط علي أوجاع غيرهم مهما كانت ردت فعلهم ليك ، يعني كيف تبي الناس كلها زيك ؟
مش كل الناس طيبه ؟ ولا كل الناس بلسم لغيرها زيك ؟
كوني فخوره بطيبتك ولما تقدمي شئ للغير خليها لله مِشْ للناس لما اديري شئ كويس ما تراجيش لا جزاء ولا شكور فقط خليها الله
وفعلا قالو الناس الأولي (دير الخير وانساه )

صدقيني لو نيتك صافيه حا يرجعلكـ راه مش من نفس الناس يجيكـ من ناس تانيين ربي يسخرهملك بقلوب نضيفه كيف يكونو بلسم ليك 💜
يستاهلو وما يستاهلوش مش موضوعكـ انت اتاجري مع الله ... و التجاره مع الله ديما رابحه 💜
كنت رحيمة بيهم رغم عيوبهم .. بإذن الله ربي حا يكون رحيم بيكـ رغم عيوبكـ 💜
فا بطلي أفكار سوداويه واخلصي نيتكـ الله بإذن الله حا ترتاحي من الوسواس

الله يجبر خاطر كل من جبر خواطر الناس ويزيده نور زي ما كان نور في ظلمتهم 💜
‏