خطرها 🥹🥹

حاله غرق صارت في بنغازي توفي على اثرها شاب ولما وصل الخبر لأهل الميت كان خوة الكبير مش قاعد .. ومعا حلول الليل روح لقي خيمة والناس تعزي فيه ..

قاللهم شن في ..
قالولة عظم الله اجرك في خوك

مجرد ما سمع الخبر بدأ فالبكاء وقاللهم بنشوفه شالولة الثلاجة خش علية يبكي ويحكي معه على ان هذا ليس ما اتفقنا عليه بان تتركنى، وانحنى على جثه خوة اضبطه
جاه واحد من ضنا عمة بيرفعة لومينا الأخ الكبير انتقل الى رحمه الله ولحق خوة
سبحان الله اعمارهم متساويه ..

وبعد حوالى اسبوع حضر مواطن من غرب البلاد يسوق فى سيارة نوع تيوتا ومعه زوجته وقاللهم نزلوا الشاه
وخش يعزى فالحاضرين سأله واحد من تعرف منهم؟

قاله لا والله مانعرفهم ولكن جيت نبى انشوف هالناس اللي فيه الأخ يموت على خوه

خطرها_ع_الأخ: العرب لوله قالو خوك خوك مايغركش صاحبك ..
صدقوني مهما دار ومها فعل من عطابة كيف خوك مافيش الوحيد الي وقت الضيق يطيح دونك بعد باتك وأمك...

والله عز وجل قال( سَنَشُدُّ عَضُدَكَ بِأَخِيكَ )

والاخ مهما قصر معاك ومهما عداك ومهما وجعك يبقي خوك وسندك وذراعاك الي ماعندك وين تهرب منا ويجيك يوم تحتجالة.