رولا محمد 😁😁

واحد يحكى قال متعود لما نوعى نلقى الوليه دايرتلي القهوة وترجى في نوعى...☕🥐
قال: يوم اوعيت ما لقيتش قهوتي ولقيت الوليه لاويه خشمها...🤔
قلتلها كنك ان شاء خير
قالتلي : فتش تليفونك من امكلمك؟🙄
قال: فتشت تليفوني لقيت
وحدة امكلمتني اسمها
(رولا محمد)😱
قال :قلتلها والله ما نعرف
وحدة بها الأسم.. 👩‍🦰
الوليه قالتلي : انت اللي
امخزن رقمها كذا رن عليها توه..
قال : شكيت في روحي
تقعد حاجة قديمة وناسيها 🙈
قلتلها : مانيش ران عليها
ودك اتصدقي ودك أنعنك ماصدقتي.. 😡
قالي : ونحنا انتناقشوا
وهي اترن ( رولا محمد) 😰
والوليه اتقولي خليك شجاع ورد عليها...
قال : رديت عليها والوليه
حطت وذنها امعاي 🙉
عالسماعة ويرد علي واحد
مصري ويقولي ازيك
ياباش مهندس انا محمد
سواق الرولا ..😒
أذكرت اني انخزن في
الأسامي بالطريقة هذه
السباك فرج .. كهربائي سالم .. لياس حنفي ...
قال : ردت في الروح 😛
والوليه انحرجت وبعد 🙊
اشوي خشت علي بعصيدة
وزبده وطنية وانا اللي قعدت رافع خشمي😂😂😂😂