الناس نوعين

فيه اللي لمّا اديرله فنجان قهوه يقولك :
(سلّم يديك) ♥️
و حدّ ثاني يقولك :
(القهوه خيرها ناقصة سكر ماعجبتنيش) ..

و حدّ تجيبله ساعة هدية يقولك :
(بارك الله فيك تفكرتني) ♥️
و حد تاني يقولك :
(عندي هلبا ساعات أحلى منها) ..

و في حدّ لمّا يصير بينك و بينه نقاش يقولك :
(مش مشكلة حنحلّوا الموضوع و مايقعد شيء بينّا لان كل ايامي الحلوة شفتها معاك و موقف واحد مايبعدناش ) ♥️

و حدّ ثاني مجرّد مايصير بينك و بينه نقاش يقولك : (اني ماعمري شفت يوم حلو معاك) ..

الناس نوعين❗
نوع عينه تعرف تشوف الحلو اللي في كل موقف يصير و يقدّره وغصبًا عنك تقعد هالشخص ديما تبي تسعده ولو تطول تجيبله نجمة من السماء ♥️..

و نوع لو تشعلّه صوابعك العشرة شمع برضوا حيشوفك مقصّر و عينه ماتشوفش الا المواقف السلبية و الحاجات الشينة رغم انك مش مقصر معاه .🤷🏻‍♀️