التعافي

أول ما تلاقي نفسك بقيت "عادي ڪده"،
مش بتتضايق زي الأول، ومش بتزعل زي ما ڪنت بتزعل،
ومفيش حاجة بتهزك زي زمان..
اعرف إنك وصلت لحالة اسمها: #التعافي_الهادئ..".

مابقاش عندك طاقة تعاتب..،
ولا قلبك بيتوجع على الحاجات اللي ڪانت بتڪسرك زمان..
مابقاش عندك شغف تشرح ولا توضح ولا حتى تبرر.ولا تعاتب..
اتعلمت تسيب ڪل حد على راحته.. اللي عايز يبعد، يبعد..
اللي مش قد وجودك، ماتلزقش فيه..
واللي بيقلب، ما تحاولش تعدله..

أنت مش بقيت بارد، ولا قلبك اتقفل..
إنت بس استوعبت الدرس، وفهمت اللعبة..
فهمت إنك مش مسؤول عن تصرفات الناس،،
وإن اللي بيحبك بيبان،
واللي بيقدرك عمره ما يخليك توصل للحالة دي..

أنت تعافيت.. مش بس من الناس،،
إنت تعافيت من التعلق، من الانتظار، من "ليه بيعمل ڪده؟"
ومن "طب يمڪن أڪون غلطان؟"
تعافيت من فڪرة إنك لازم تفهم ڪل حاجة، أو تصلّح ڪل حاجة،
أو تخلي الناس دايمًا راضية عنك.

الهدوء اللي جواك دلوقتي مش فراغ..
ده سلام لنفسك...بعد ما روحك اتهلڪت..
والسڪوت اللي بقيت سايبه في ڪل موقف، مش ضعف..
دي حڪمت اللي شاف..وعاش.. واتخذل.. واتعلم..

فلو وصلت للمرحلة دي..
ماترجعش ورا تاني..
خليك ثابت، خليك عارف قيمتك، وخلي قلبك في سلامه..!!
اللى بيحبك بجد هيدور على أسباب علشان يفضل جنبك مش علشان يتخلى عنك، اللى بيحبك مش هيسيبك فـ نص الطريق وتبقى زى التايه لا منك ڪملت ولا منك رجعت لنفسك.. ڪفايا هلك لروحك.. 🖤🥀
℘🦋⑅⃝