اهموم الدنيا ما لآحد
اهموم الدنيا ما لآحد .. ان جيت اتعد .. عليهن كيف إتريد تبد
.........
....
اهموم الدنيا كل انسان .. ايجيه زمان .. ايشوف اللي مو فالحسبان
اصحا عقلك يبقا زعلان .. امغير انشد .. اللي جرب عازا وجحد
العاقل عمرا ما يطمان .. الوقت إيعد .. ادير احساب خبر واجد
اوقات بعد عزه تنهان .. بعكس اترد .. ايامك ما يشقابك حد
نصيب وحتا م المعيان .. اللي حاسد .. اشغالك واحوالك راصد
.........
....
اهموم الدنيا كان تسال .. بلا مكيال .. اتشوف اللي ماجأ فالبال
ابراوه ع العقل الحمال .. اللي صامد .. علي حاله مولاه
حمد
ايش ايريد ايرد الزعال .. ان كان جبد .. اهموما وادموعه
بدد
اشكر ربك وارضا بالحال .. عليك ايهد .. الخير مغير اعزومك شد
الدنيا هي لغز العقال .. اوقات اتود .. اومرا دونك باب اتسد
.........
....
اهموم الدنيا بالتقسيم .. ان شلت الميم .. اوضح فالمعني يالفهيم
الصبر احسنلك مالتخميم .. الوقت ايجد .. ايجيب جميع المستبعد
ارضا بالواقع راي سليم .. الغيض أكمد .. علي جبد اهمومك حود
السين تريد احذاها جيم .. مغير تغد .. الخاطر مو إمخصوص نكد
تريض كون انسان حكيم .. الله اقصد .. اللي ما عمرا والي رد
واسلمتوا
| بواسطة / غير موجود | ||
| مشاهدات | 19 | |
| في | 2025-03-17 04:09:23 | |
الحقوق محفوظة لـ سـآگن آلروح،
شات فنون ليبيا للجوال2025 ©