لمّا إنسان يغلط ف حقّك والا يؤذيك ..

لمّا إنسان يغلط ف حقّك والا يؤذيك ..
و تبدأ تبعد عليه بكل هدووووء و بدون ما تردله الأذية ..
حتلقاه يدير ف حاجات غريبة ..
حتلقاه بيهبل لأنك مشيت بدون ما توجعه أو تأديه ..
فشنو يدير❗
تلقاه يمشي للناس اللي تعرفك و يحاول يشوّه صورتك قدامهم ..
علاش باه يدير هك❗
لأنك يحسابك ادير زيه وتشوه ف صورته قدامهم ..
مستني بس حدّ منهم يقوله : اي هذا دوالي عليك ..
عشان يبرر لنفسه أنك شخص سيء ..
و حيمشي لكل الناس اللي تكرهك واللي لا انت ولا هو طايقينهم و يصاحبهم ..
عشان يعطوه الاحساس بالامان انه مش بروحه وان معاه ناس تدعمه وتساعده ف مشاعره السلبية تجاهك ..
حتلقاه ديما ف صراع عشان يتبث انه مش سيء لانه يحساب انك حتورّي للناس حقيقته ..

ما يحسابش ان ( اولاد الأصول بعدهم صمت واجتناب )👌🏻
لا فيه تطليع اسرار ولا شتم ولا ذكر بسوء من وراء ظهورهم ..

فاللي غلط في حقك ديما حيعتقد أن كلامك كله عليه ..
و هدوءك تخطيط و مكر ..
و سلامك النفسي تظاهر ..
حتّى حب الناس ليك حيوجعه و حيحاول يبعدهم عليك بكل الطرق ..
المشكلة انه مش فاهم أنه يسيء لنفسه قبل ما يسيء ليك..

ربِّ يحفظنا واياكم من معرفتهم و صداقتهم وحتى المرور بيهم 🤲🏻 .
#اللهم_من_أراد_بنا_ضراً_فأجعل_تدبيره_في_تدميره🤲🏻