مجٌـــــــــرد رأي

السلام عليكم ورحمة الله وبركاته ..

موضوع عام حبيت نحكيه وتغمرني السعاده لو لقيت تفاعل فيه ..

خلينا نحكوا بالعامي من غير تكلف ..

وخي ووخيتي نحنا بشر وعايشين الدنيا واخدتنا ملادتها ومغرياتها خشينا شاتات ولي عنده فيس انستا وووو من مواقع تواصل فيه من لي يستعمل فيه بما يرضي الله وفيه لي ربي يهديه ويصلح أمره ويغفر له .

شات . تتعرف علي بنات وشباب وصادف انه اتنين يسير بينهم الفه واعجاب تنتهي القصه بتعلق عاطفي وليس علي القلوب سلطان . تمام

وقت يا وخي تحب هالبنت وترسملها احلام وأماني وطريق في البحر علي قولت عربنا لوله.ليش ما تكون صادق ليش ماتكون قد كلمتك وتكمل مشوارك معها ليش ما تنهي هالكلام بشرع الله وسنه نبيه ليش البؤره لي في آخر دماغك توسوس لك بي تفكير غلط انه لو هيا صح ما خشت شات وما تكلمت معاي لا ستوب فيه بنات ناس وبنات عيله ولاقوه الا بالله عليهم كونها تتواجد مذ معني انها مش متربيه لا هكي فيه عله ف تفكيرك وعدم نضج

هيا صدقت كلامك ووعدك وظنت انها مع راجل صح يخاف الله وقد كلمته وتطلع انت مع احترامي عيل مانك قد هالكلمه وتنافق وتكدب ودير جرار وراك وتضحك بينك بين نفسك علي اساس داير انجاز وانت هكي سبيدرمان لا والله مالك صله بالرجوله ولا الاخلاق حتي لو شفت نفسك كبير ف نظرك بس لكن ف نظر الناس انت مجرد عيل لا اكتر ولا أقل وياداير يا لاقي .

اتقوا الله في بنات ناس قدمت كون قدها ولا شد روحك وخليك بعيد اقعد اخ احكي شي له فايده واطلع .

مكانات تشوهت من التصرفات لي قاعده تصير وكترت الفتنه والكدب والنفاق في سبه هالامر .

والكلام برضوا ينطبق علي البنات اتقي الله ف نفسك وخليك صادقه وفيه مخلصه حافظه لي نفسك ودينك وثقه اهلك . ضعفتي وخشيتي هالمكان ديري الله بين عيونك ف كل حركه . لعند ما ربي يتوب عليك وعليها .

موضوع عام لا اقصد بيه أشخاص اللهم بلغت اللهم فاشهد

مجرد رأي وكلام ف نفسي وقابله لي اي نقد يكون محترم

ربي يحفظكم جميعا ويستركم ويعطيكم خيري الدنيا والاخره ❤️❤️