سكت وسكرت فمي قالو عليا خايب

سكت وسكرت فمي قالو عليا خايب
تكلمت ودافعت على حقي قالو عليا العجب
كان تبي اتبع الناس مايجيك منهم كان المصايب
ورا نا شايفين وسامعين وللعبه فاهمين
وعارفين وسط ذيابه عايشين
ونعرفوا الحبيب من الغريب
ولي اديره في خوك يرده ليك الزمان
...
والمريض بالكلام مايداويه طبيب
كان فاتتك الماكله قول شبعت
وكان فاتك الحديث قول سمعت
وعمر الخاتم ما يولي خلخال
عمرها الفلوس ماتعلي الانذال
الميت مايقوم والصاحب مايدوم
وقليل الاصل ماعليه لوم
وحط في بالك مفيش شيء يدوم ...
كيف ما مشت الضحكه...تمشي الهموم..
واللي مشافش بعينه إعلاش يكذب ويقطع
عيش في الدنيا فمك مغلوق...وقلبك صندوق
وربي من فوق.. يخلص الحقوق