الناس أجناس

في حد اتديرله طاسة شاهي يقولك "شكرًا تسلم إيديك" وحد تاني يقولك "خيره الشاهي ناقص سكر "

حد تجيبله ساعة هدية يقولك "تسلم لأنك اتفكرتني" وحد تاني يقولك "عندي ساعات أحلى من هكي هلبا"

وفي حد كل عركة يقولك "عمري ما شوفت يوم حلو معاك" وحد تاني يقولك "ح نحلّو الموضوع ع كل الحلو اللي شوفته معاك"

الناس نوعين،
نوع عينه متعرفش تشوف الحلو اللي في كل موقف يصير ويقدره، فغصب عنك حتكون تبي دايمًا تسعده ولو اتطول تجيبله نجمة من السما.

ونوع لو تولعله صوابعك العشرة شمع حيقعد يشوفك مقصر، وعينه ما تشوفش إلا الغلط من كل حلو يصير♥️