🥰🥰

مانجاملكش ع حساب نفسي باش نرضيك ما انافقكش
كويس كويس .. شين شين ؛ قدامك و وراك واحد..
‎فعلك معاي كويس .. ح نشكرك
‎فعلك معاي مش كويس .. ح ندمك
‎عجبك اللهم بارك ما عجبكش توكل
‎حاجة زايدة مانبيهاش
‎أنا بنادمة حتى بكلمة مانرضاش مخلوق يتجمل بيها عليا
‎ولا نرضى ينقالي كلام مش فيا سواً حلو أو شين
‎ولا نرضى نقول عليك كلام مش فيك
‎أنا مش مستعدة نخلي ناس زايدة في حياتي
‎و نبني علاقات وهمية و فاشلة و كذابة و تافهة ومنافقة
‎و ندير جهد باش نقول كلام و نفعل افعال مش من قلبي
‎ومش مجبورة نخلي الناس تكرهك و تحبك بشيء مش فيك
‎ولاك مجبور تخلي الناس تكرهني او تحبني بشيء مش فيا
‎"من يوم يومي
‎مافيش حاجة تندار غصباً عني ولا نطلع كلمة مش من قلبي"
‎اللي عندي نعطيه لا اقل ولا اكثر منه
‎مانقدرش نتأقلم مع ناس ماليهاش لا كلمة و لا مبدأ و تجامل وكل حياتها نفاق و كذب
‎ولا نقدر نكون زيهم
‎تحس هالناس تجامل في روحها بأساس ان هي ليها قيمة و قدر ولكن في حقيقتها ناس ( ناقصة )
‎ايييييي ناقصة قيمة وقدر بينها وبين نفسها
‎قبل ماتكون بينها وبين الناس
‎نفس الناس اللي تبي من يجاملها و يشكرها باش تحبه
‎ونفسها اللي تكره من يقول كلمة حق عليها
‎ولا يخالفها الرأي .. هذا تمشي من وراه تلتّ وتعج
‎البنادم اللي هكي مايمشيش معاي
و راحة بالي دائماً و ابداً فوق الكُل و شكراً ☺️♥️