كيف الدوه ؟

ياصاحبي بلله كيف الدوه.
مات الضمير وبطلت لمروه
ياصاحبي بلله كيف القصه
تما الناس الكذب كيف نفسه
ولي حكالك حكي طوح نصه.
وماتقولشي..صادق عليه تروه
ولي اصبح في حال مايتمسه
رايه الي كان امس مو.كي توه
ولي اتخيره عن الناس يطلع غصه
ايغرك المظهر..ولخيا من جوه
ولي ايتكلم كلمته ينقصه
ولي تحسبه بوعقل يطلع بوه.
ولي تقول صاحب لزمان. اندسه
وين تنقضه تلقاه شينك هوه.
ولي تقول صاحب عقل مايتوصه
ايحيرك وماعد تعرف جوه