جينا اصداف حال مغشوش..

جينا اصداف حال مغشوش..
خليط مو مغربل طحينه
عبوس وجه ماهو بشوش..
دره كبودنا انطوينا
خذينا علي مقعد الحوش..
وخذينا علي قل من يجينا
وخذينا علي قل القروش..
وعلي كل سامطه خذينا
ومع هذي فينا ختوش..
سايرات منا وفينا
ودراه كبد تما يحوش..
بدري يحظن علينا
والبخت زاد موصاح مرعوش..
تقول فيه بلوة سكينه
اطرش وخايب وبكوش..
وبقل السمع ياعوينا
وكساد شين حل مالوش..
قاعدين عنده رهينه
واصحاب الرخاء زاد مابوش..
يمدوا اليد المعينه
جاء الكرب راجيت ماجوش..
ياالله عنهم اغنيناااا