مايعرفن مكياج لاكوفيره

مايعرفن مكياج لاكوفيره

بنات البوادي راه لصيلات
ايام ولعرب كانو ايقولو ديره
عصاره اربايت عز ميدوبات
ايام والعشيره عامره وكبيره
وبراي شيخ مرسومه عليه اتبات
ومن غير رايه مادير بصيره
ويردو عليه الشور والرايات
مقادي نواجع في اطراف عقيره
خطرها اسماح الطبع والصيفات
بنات العصاره طيبات السيره
دبايت وسيع الجال بوريشات
مفروش بحوايا..يبهرن ونويره
عز البوادي كان فيما فات
ايامن وكانن نايلات شكيره
ايقولو هذاك النجع فيه بنات
اسماح النبا والصيت والتصويره
عفاف وحشم ملعيب معصومات
وعز المبوج كان فيه صغيره
ومن يدها مفروش بهدامات
وفيه اللبن والكشك.مكثر خيره
وصوفه وصليخ وتمر بنضدات
عصرانه وطيب خيمها وطريره
جميله هميله ريم في دفات
لاتعرفه لاروج لا نوكيره
جمالها طبيعي موش بزوقات
ولها خد يضوي كيف برق الديره
خطرها الا توا زمان الحيره
وخطرها بنات اليوم والعارت
وفي السوق قالو جاده تخبيره
كوفير وصبايا سوق مطلوقات
وليوم من الجبيره فاكه الجبيره
وليوم الصبايا حيلهن شيخات
(خطرها صباىا توا)