يجوني عطاشة يشربوا من بيري

يجوني عطاشة يشربوا من بيري
.. ولا يشكروا فالله لا فالساقي
حتي عشاهم من مخالب طيري
. .وكبروا علي خيرت اثمار ارزاقي.
القمح قمحي والشعير شعيري
والصوف صوفي والرواق رواقي
والغوط غوطي والغدير غدير
فيه بجدو ما شط يوم ارياقي
والجبح جبحي والعسل من قيري
مغير ما عدو..... لذيذ مذافي
ماتقول ما طاروا معا بندري
اللي اليوم ما مسكو الا ف خناقي
كلوني اوكال ويمدحوا في غيري
ويجروا علي بركة عقاب انياقي
مغير يتعبوا وأخذ طريق كبيري .
.العيب نحمله بالعزم فيه نتاق
في فرق بين الفالصو والميري
علي ما تلهلب ما يطير زواقي
وصادق مع ربي وحي ضميري
وبيضة تنصع مالبياض اوراقي
علي درب ناعر ما يلط خبير
ربت عصارة مي اربات زناقي
واللي عطاني قدر له تقديري
ياخذ اقداره من اعماق أعماقي
لا يجف لا ينزح شرب غديري
دوبين يسطر في جبيني راقي
ثابت مكاني ما تغيري سيري
عرق الحياه ميت عليه وباقي
فشان النقابة لو عطيت حريري
الدار داري لو فنا شلاقي
واللي غايته يجري علي تصغيري
في شبر ميه ما يصح غراقي
فيدا ايامي دنيتي ومصيري
المولي وعايش فالحياة غنداقي