مش موضوع...!!!

مش موضوع ...
لوغبت عني يوم ولا اسبوع
عايش بلاك وبيك مش موضوع

موش احكايه
اغيابك عليا مايقل هنايا
في دنيتي ياما نظرت نوايا
مانقولك تعبان لاموجوع
عودت قلبي عالقسا يا امنايا
من كثر ماني ف الحياه ملذوع
والحب ياغالي قريته اقرايا
ونعرف اللي م القلب والمصنوع
وحاسب حساب الجرح م البدايه
ومن قبل صوبي عارفه مبيوع
موحال تنظر ياعزيز ابكايا
الحزن عندي ع الغلا ممنوع

موش قضية ..
لو غبت عني يوم والا مية ..
ياما عليا مارة من سية ..
وماهو جديد يضيعلي مشروع ..
عادي فراقك ما ايأثر فيا ..
للحزن عندي يا عزيز فروع ..
رزقي ونصيبي قسم مو بيديا ..
شي فيدني لوكان ننصب نوع ..
بلاك جاي بالحيل الزمان عليا ..
والقلب تمى مالحجر مصنوع ..

مش مهم
لو غبت مهما غبت ما نهتم
تحسابني نبكي عليك بدم
وتحسابني نطلب امعاك ارجوع
وتحسابني نشقى انعيش ابهم
وتكمل حياتي في شقا وادموع
وتحساب من بعدك الحزن ايعم
وتحساب نبقى منكسر مليوع
مش نا اللي نفقد انعيش ابغم
عايش حياتي والزعل مرفوع
ابعد علي وغيب كم وكم
للقلب فاتح ف الغرام افروع

موش جديده
الغيبه علي وبعد غالي انريده
واخذ علي العبره وعالتنهيده
نبكي في خفا وابكاي مو مسموع
وناظر مئاسي واجده وعديده
وداير علي صدري نصيب دروع
ومانريد صوب ولا انريده كبيده
من يوم الرجا فيهم اقدم مقطوع

مش موضوع