قلبي تعبى و المواجع زادت ....

قلبي تعبى و المواجع زادت
على من درت فيهم الباهية ما فادت

كسرو خاطري يكسر الله خاطرهم
وايش مايكون العذر مانعذرهم

فينا شموخ الخيل وفينا عناده
وعطيب الرفق ما نقبلو ميعاده

العظم ينكسر و يعيب لكن يبرا
الا كسرة الخاطر مصيبة غبرة

سكرت بابي والنفوس ارتاحت
علي ناس هلبا من عيوني طاحت

نخلي القلب عليهم صافي
ربي حسيبي والزمان يكافي

ياقلب دس الموجعة فى اركانك
بالك تكدر يسمعو جيرانك

مليت َمن ضرب المعاني
ومليت من قولت قال
ياقلب ياسرك ماتعاني
بنسكرك وندير سبع قفال

ﺍﻫﻨﺎﻙ ﻣﻮﺟﻌﺔ ﺗﻤﺸﻲ ﻫﺒﺎﺀ ﻣﻦ ﺍﻷﻭل
ﻭﺍﻫﻨﺎﻙ ﻣﻮﺟﻌﺔ ﻣﻦ ﺍﻟﻜﺒﺪ ﻣﺎ ﺗﺘﺤﻮﻝ

كان المواجع سم رانا متنا
ياما مواجع حارة فوتنا

الجرح يبرا والطبيب ايقده
والموجعه فى القلب تقعد مده

وخلي مواجع خاطرك فى سرك
جبد المواجع كل يوم يضرك