وقفه مع نفسي ....

أني والله عمري مانويت فراق حد ولا عمري استسهلت غياب اي شخص كان في يوم قريب مهما قصر معاي و ضرني ..
و أن شهادة لله عطيت مايعطي الشخص الطبيعي و أكتر ٫ و أن ضاعفت حد جهدي لتلاتة اضعاف رغم أنهم ماداروليش العادي ..

ماعمري سيبت حد ولا عمري رخيت ايد حد إلا و ركزت كويس انه هو راخي و مايبيش يكمل ٫ و والله ماهان عليا البراني يابال باللي كلي و شرب معاي .

لكل شخص طلع من حياتي و لكل شخص اختار قرب غيري و لكل شخص فضل انه يكون بعيد عليا والله زعلت عليكم و مافيكم واحد بعد إلا و اضايقت و ماقدرتش نبتسم يوم على فراق حد مهما كان الضرر المسبق منه .

في حفظ الله كلكم و قدام ربي اني نعطي السماح للضرني قبل اللي رخاني بمزاجة و ان مافيكمش عدو و لكن في مكان الناس العادية نعطي السلام كان شفتكم و نبتسم لحضوركم و في امان الله وين ماتهنيتوا .