باللهجة الليبية كلام من ذهب 🤔👇

باللهجة الليبية كلام من ذهب
👈العرب لوله قالوا 🤔
الولية أن كان جاباتك للميعاد (طلقها).
والبندقة أن كان شالاتك للحداد (أعزقها).
والفرس أن كان سيباتك فى الملهاد (سيبها).
واللي تخدمه (طيعه).
واللي ترهنه (بيعه).
واللي عينه على ﺍﻟﺤﻮﺕ ﻳجيب (ﺍﻟﺼﻨﺎﺭﺓ).
ﻭاللي عينه على ﺍﻟﻠﺤﻢ يصاﺣﺐ (ﺍﻟﺠﺰّﺍﺭﺓ).
ﻭاﻟﺮﺍﺟﻞ ﺭﺍﺟﻞ ﻟﻮ ﻛﺎﻥ ﻳﻠﺒﺴﻮﻩ (ﺷﻜﺎﺭﺓ).
ﻭاﻟﺮﺧﻴﺺ ﺭﺧﻴﺺ ﻟﻮ ﻛﺎﻥ ﻳﺮﻛﺒﻮﻩ (ﻃﻴّﺎﺭﺓ).
واللي ﻓﺎﺗﻚ ﺑﺎﻟﺰﻳﻦ ﻓﻮته (ﺑﺎﻟﻨﻈﺎﻓﺔ).
ﻭاللي ﻓﺎﺗﻚ ﺑﺎﻟﻔﻬﺎﻣﺔ ﻓﻮته (ﺑﺎﻟﻈﺮﺍﻓﺔ).
واللي ﺣَﺒِﻚْ حبه ﻣﺎأﺗﻔﺮطش ﻓﻴﻪ.
ﻭاللي ﺑَﺎﻋِﻚْ بيعه ﻭﻣﺎﺗﺴﺄلش ﻋﻠﻴﻪ.
ﻭاللي أﻳَﺮﻳﺪﻙ ﺭﻳﺪﻩ.
ﻭاﻟﻠّﻲ ﻳﺒﻐﻈﻚ ﺯﻳﺪﻩ.
ولازم ﺗﻌﺮﻑ ﺇن اللي ﻣﺎ ﺗﻌﺮﻓﺶ ترقص أﺗﻘﻮﻝ ﺍلأﺭﺽ ﻋﻮجة.
ﻭاللي ﻣﺎايطولش العنب أﻳﻘﻮﻝ عليه حامض.
واللي ﻳﻌﺸﻖ ﻳﻌﺸﻖ ﺍﻟﺴَﻤﺢْ ﻭاللي ﻳَﺰﺭﻉ ﻳﺰﺭﻉ ﺍﻟﻘﻤﺢ.
ﻭﺍﻟﻘﻠﺐ ﺇﺫﺍ ﻛﺎﻥ ﻣﻬﻤﻮﻡ ﺍﻟﻮﺟﻪ ﻳﻌﻄﻴﻚ ﺃﺧﺒﺎﺭه.
ولا أتكبر شان اللي ما عنده قيمة يحسب روحة فلان وهو عقاب بهيمة.
وﻻ ﺗﻠﺒﺲ ﺣﺎﺟﺔ مش قدك.
ﻭﻻ ﺣﺎﺟﺔ ﻓﺎﺭﻏﺔ ﺗﻨﺪﺏ ﺣﻈّﻚ.
ﻣﺎأﻳﻮﻛﻠﻚ ﻓﻲ ﺍﻟﻌﻴﺶ غير ذراعك.
ﻭﻣﺎأﻳﻄﻠﻌﻚ ﻣﻦ الغم وﺍﻟﻀﻴق غير افكارك.
وأفطن العار أطول من العمر.
أفطن العار أطول من العمر
واللي اتديره اليوم تلقاه بكرة.
واللي اتديره فى الرخيص تلقاه فى الغالي.

👈كلام عبرة خليه للذكرى عشان ينفعك اليوم وبكره 👍