اكرهت الطيبة ..

اكرهت الطيبة ..
من كثر ما داروا امعاي العيبة
ونا صافية نيتي

اكرهت حناني
واكرهت ودي للقريب الداني
اللي صارلي منهم وهاللي جاني
خلاني انحس ان الحياة غريبة
وحسيت روحي جيت عالم ثاني
عالم نفاق وكذب كله ريبة
عالم حرام اتقول ليه انساني
وحوش اتناهش كي نهيش الذيبة
لا اتعد صاحب ود لا براني
تشوف لبنادم قيمته في جيبة
عمتهم الدنيا حقدهم جواني
ونا بطيبتي هالحقد ما نديربه
يا صاحبي بالله ما تنهاني
انريد نقتله طيبي انفوت سريبه
عانيت ياااااما وشوق ما بنعاني
ان كني بقيت بحالتي العطيبة

واكرهت الطيبة ... من كثر ماداروا امعاي العيبة .. ونا صافية نيتي ...