الحب 💗💔

1- الحب ما بيوجعش إللى بيوجع قلة الحب الهجر، الخذلان، الخيانة من الأخر إللى بيوجع قسوة اللي بتحبه
2- فاقد الشيء أكتر واحد قادر على عطاءه مش هتلاقى أحن من إللى إتحرم من الحنان أو حد قادر على الحب أكتر من إللى عمره ما أتحب ولا هتلاقي كريم أكتر من اللي إتحرم من العطاء
3- الحب معاملة ممكن حد يعاملك كويس ومايكونش بيحبك بس إستحالة حد يحبك ويعاملك وحش
4- الحب بجد هو أنك تحب إللى قدامك في كل حالاته وأصعب حب هو أنك تحبه وهو مايستاهلش الحب ده لأن ده أكتر وقت بيبقى محتاج فيه حبك
5- الحب مش أنه يتقدملك قدام أصحابك وينزل على ركبته والبلالين بتنزل عليكم من السما الحب الحقيقي أنه يختارك ويفضل يختارك عند كل مشكلة وعند كل إغراء وعند كل فرحة
6- مافيش حاجة اسمها {أصله بيعاملني بطريقة مختلفة } ماقلش بس لمح لي كذا مرة إللى بيحب بيتفضح إللى بيحب بجد مابيكتمش حبه مش شجاعة لكن لأنه مابيقدرش مايتكلمش عنه بدل ماقالش حاجة يبقى مش بيحبك أو على الأقل مش بيحبك كفاية
7- إللى عمره ما حب بيخاف على قلبه أكتر من إللى حب كتير لأنه شاف وجع الحب وفى نفس الوقت ماجربش حلاوة الحب وفي أوقات كتير خوفه على قلبه بيمنعه من أنه يحب ويتحب
8- أكتر حاجة تخلي أي بنت واثقة في نفسها هي أنها تتحب أوقات كتير بيكون الواحد محتاج يشوف نفسه بعين إللى بيحبوه عشان يحب نفسه أو على الأقل يصدق أنها تستاهل تتحب
9- الحب أفعال ما بيتعبش غير الصادق في حبه على قد ما الكلام مهم لكن زي ما بيقولوا الكلام مش بفلوس إللى بيحب بجد بيهتم يفّرح إللى بيحبه وبيهتم يعرف إللى بيزعله إللى بيضايقه إللى بينرفزه إللى بيهديه وإللى بيبسطه كل التفاصيل الصغيرة بتكون مهمة عنده الإهتمام ساعات كتير بيكون أهم من العاطفة إسأل أى بنت هتقولك أن الشكولاتة إللى جابهالها تحت البيت لما كانت زعلانة كانت عندها أغلى من ألف رسالة مكتوب فيها {بحبك}
10- كل الناس نفسها تتحب بس قليل قوي إللى مستعد يحب بجد كل الناس يا مستنين يتحبوا يا خايفين إللى بيحبوهم يسيبوهم لو يعرفوا إن كل إللى محتاجه عشان تتحب أنك تحب ماكنش بقى في كمية الناس الوحيدة دي
تلك عشرة كاملة!