علمتنى الحياة)،،،،،،،،،،،،،

دير ف بالك.
الدنيا سلف وكل شي ب السالك.
كان درت فاها الخير تلقى الخير.
وكان درت فاها الشر راك الهالك.
ل توده لنفسك ود بيه الغير.
وصفي النية دنيتك تصفالك.
وخليك بين الناس محضر خير.
وبيناتهم بالصلح مد حبالك.
وأطلب رضي والديك وإللي تدير.
يجي يوم ويكافوك بيه عيالك.
وإنشد على خوتك ومهما يصير.
هم دوم خوتك. حالهم من حالك.
وللجار ديما دير شان كبير.
وإن غاب زوره وقولله شن حالك.
وللضيف قيم القدر والتقدير.
وماتجود كان بكل مايحلالك.
وتفكر المحتاج والفقير.
يبارك الله ف صحتك وف مالك
وخليك ديما حر زي الطير.
وحتى إن كانك غبت. تبقى أفعالك.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،(🖋علمتنى الحياة)،،،،،،،،،،،،،