محلاها الكلمة،،،،

حلالي،،،،
محلاها الكلمة لما تقوليها بكل فخر لما يسألوك
- من هو هذا ؟
- من كان يكلم فيك ؟
- من متصل بيك في وقت زي هذا ؟
- مع من تهدرزي هذا كله ؟
- من إلي كان معاك ؟

تقوليها وكلك ثقة بنفسك وبالشخص الي معاك لأنه حلالك , ويا محلاها لما يكون الشخص الي طول عمرك كنت تتمني تكملي حياتك معاه , الشخص الي وعدك أنه بيكون ديما جنبك ومعاك وشاد في ايدك وفي بوعده وبدي حلالك 💍
الشخص الي كان اسمه معبي سجل مكالماتك , الي يومك مايكملش من غير صوته , الي ترقدي وتنوضي على صوته هو نفسه الي بديتي تتصبحي على الحب الي في عيونه وترقدي على كلمة حب منه وبدي اسمه حلالك
الشخص الي كان رابطه بيك حب واحساس ومشاعر ووعود وذكريات ومواقف بدي رابط بيه دبله في الايد وحوش وعيله وبدي اسمه حلالك 🤍
الشخص الي كنتي تخافي يشد ايدك توا نفسه الي تشدي في ايده وتمشي قدام الناس كلها لأنه حلالك

ربي يجعل كل النهايات سعيدة تحت مسمى { حــلالــي 🤍 }