أسوأ " 10 " أنواع من المشاعر ممكن يمرّ بيها الإنسان في حياته .

1_لما يعيش أطول فترة من عُمره " حد مِعطاء جداً " فَـ يحصد بعد عطاءه ده كله " إساءة" ..و كأن ذنبه الوحيد إنّك كنت إنسان أكتر من اللازم ...
2_لما تحسّ إن أكبر جريمة عملتها في الحياة إنك "شخص صبور " بتتحمّل كتير و قليل الشكوى .. واللي قُدامك بيستغلّ صبرك لِصالحه هو ..
3_لمّا تحزن وما تلاقيش الإيد اللى تطبطب عليك ..و لو طبطبت النهاردة ما بتكمّلش معاك بقية العُمر نتيجة للظروف .. أو تغيّر النفوس ..
4_ لمّا تندم على شعور حلو أو إحساس بالحب حسيته تجاه حد معيّن نتيجة لمواقفه و تصرّفاته السيئة معاك بإستمرار..
5_لمّا تعجز إنك تنقذ حد قريب منّك من الغرق في متاهات الحياة أو تعجز إنّك تمنعه يكمّل في طريق مسدود ..أو تفشل إنّك تحميه من نفسه حتى ..
6_لمّا تكون بين أهلك وأصحابك وأصدقائك وناسك و رغم كده تحسّ إنك أكتر حد وحيد في الدُنيا و اللي حواليك عبارة عن فراغ ..
و دي اسمها غُربة الشعور ..
7_ غُربة النفس ؛ المغترب عن نفسه ده حد ضايع بين الفواصل ؛ لا قادر يوصل للشئ اللى بيتمناه ولا قادر يكمل في واقع بيعيشه ..
مش عارف يلاقي حد ولا شئ ..لأنه في الأساس مش لاقي نفسه محبوس جوّا زنزانته ..
8_لما تعيش قصة حُب وتكتشف في نهايتها إنك كنت مُجرّد كومبارس .. مش " البطل " ..كنت مُجرّد مُتفرّج و اتلعب عليك دور البراءة بإحتراف ..والعشق اللى قدّمته كان "وهم متوّج بالخذلان" ..
9_لمّا تعيش الظُلم من أقرب الناس ليك ويموت فيك دِفاعك عن نفسك .
10_لما يسقط يوميا ًقُدامك قناع ورا قناع لأشخاص كنت فاكرهم أغلى هدايا وَصلتك مِن القَدَر ..و تكتشف إنهم عبارة عن كوكبة من الزِيف والخِسّة ".

تنبية الادارة (0)

بواسطة / قدر
مشاهدات	21
في	2024-06-22 16:21:31