في يوم أم قالت لبنتها :

في يوم أمي قالتلي :
مش كلهم يتمنولك الخير
و مش كلهم زي نفسك !
قلتلها كيف ؟!
قتلي الوقت هذا حتى على ضحكتك يحسدوك
وتلقيهم في القفا يدموك و في حاجتك مايهنوك
قلتلها كيف نعرفهم هكي و نكون حريصة ؟!

قتلي قلوب البشر ما يعرفها كان خالقها
و انتِ يا بنتي نصيحة حياتك خليها سر
لا تقولي نزادت عليا حاجة ولا عندي في حاجة
لا بننخطب ولا بنسافر ولا بنخدم و بنشري حاجة

راهى الحاجة يا بنتي لما تقعد سر بينك وبين نفسك تتبارك
و الوقت هذا يا بنتي الحلم اللي يفرحك ماتحكيش عليه حتى لأختك .

و انا كل يوم قاعد يتبثلي إن كلام ماما حق .🤍