مش قصة حرمانية ..✖️

زمان كنت نستغرب لما نشوف حد يحاول الإستقامة، وفجأة كلامه يتحول لـ السلام عليكم، جزاكم الله خيرًا، اللهم بارك،
الله المستعان وهكي ..الخ

كنت نقول صباح الخير مش حرام يعنى !
وشكرًا كلمة جميلة ، علاش يغيرهم مادام مش حرام !

بعدين فهمت !👀

مش قصة حرمانية ..✖️
قصة حلاوة فى القلب قبل اللسان🌸

قصة إن اتّـباع السُنّة أولى حتى لو غيرها مش حرام.
إنك تتشبه بأسياد الدنيا اللى كان هكي كلامهم ، هذي حاجة تخلى قلبك سعيد.

إنه شكرًا جميلة ، لكن اللى يقول لأخيه جزاك الله خيرًا فقد أبلغ فى الثناء كما جاء فى الحديث الصحيح.
وإن السلام عليكم ورحمة الله وبركاته مش تحية بس ، هيا تحية ودعاء وحسنات .

في اتباعك للسنة حتكسب حسنات والله يضاعف لمن يشاء.

" مش قصة ألفاظ ، قصة اقتداء واتباع "👌🏻