ﻣﺠﺒﻮﺭ ﻧﻀﺤﻚ ﻳﺎﺯﻣﺎﻥ ﻋﺠﺎﻳﺐ

ﻣﺠﺒﻮﺭ ﻧﻀﺤﻚ ﻳﺎﺯﻣﺎﻥ ﻋﺠﺎﻳﺐ ..... ﺷﺮ ﺍﻟﺒﻠﻴﻪ ﺿﺤﻜﺖ ﺍﻟﺰﻋﻼﻥ
ﻭﻧﺎﻗﻴﺴﻨﻲ ﺩﻳﻤﻪ ﺍﻭﺟﻮﻩ ﻣﺼﺎﻳﺐ .... ﻣﺎﻳﻔﻮﺕ ﻳﻮﻡ ﻭﻻﻭﺭﺍﻩ ﺍﺣﺰﺍﻥ
ﻣﻦ ﻛﺒﺮ ﺍﻟﻜﻮﺍﻳﻦ ﻧﻴﻦ ﺭﺍﺳﻲ ﺷﺎﻳﺐ .... ﺧﺬﻳﺖ ﻉ ﺍﻟﺠﻔﺎ ﻭﺍﻟﺸﻮﻕ ﻭﺍﻟﺤﺮﻣﺎﻥ
ﻭﺷﺎﻳﻞ ﺍﻓﻮﺍﺩﻱ ﺟﻤﺮ ﻧﺎﺭ ﻟﻬﺎﻳﺐ .... ﻭﻏﺎﻟﺐ ﻋﻠﻴﻪ ﺍﻟﺴﺮ ﻭﺍﻟﻜﺘﻤﺎﻥ
ﻭﻣﺎﻳﻔﻮﺗﻨﻲ ﺩﻳﻤﻪ ﺍﻟﺮﺍﻱ ﺍﻟﺼﺎﻳﺐ .... ﺍﻧﺪﻳﺮﻩ ﻭﻟﻜﻦ ﻣﺎﻳﺠﻲ ﻓﻲ ﻭﺍﻥ
ﻭﻧﺤﻤﻞ ﻛﻼﻡ ﺍﻟﻌﻴﺐ ﻣﺎﻧﻲ ﺧﺎﻳﺐ ..... ﻭﺩﻳﻤﻪ ﻣﻘﺎﺑﻞ ﺳﻴﺘﻪ ﺑﺎﺣﺴﺎﻥ
ﺍﻋﻴﻮﻥ ﺍﻟﺮﻓﻴﻖ ﺍﻟﻠﻲ ﻋﻠﻲ ﺍﺗﻌﺎﻳﺐ .... ﺍﻋﻴﻮﻥ ﺍﻟﻮﺩﻭﺩ ﺍﻟﻠﻲ ﻋﻠﻴﻪ ﺍﺗﺒﺎﻥ
ﻭﺍﻧﻐﺎﻟﻲ ﺑﻀﻤﻴﺮ ﻭﻣﺎﻧﺨﻮﻥ ﺣﺒﺎﻳﺐ ... ﻭﺍﻓﻲ ﺍﻟﻌﻬﺪ ﻭﻣﻮﺵ ﻡ ﺍﻟﺨﻴﺎﻥ
ﻭﻣﺠﺮﻭﺡ ﻣﺎﻣﻦ ﺟﺮﺡ ﻗﻠﺒﻲ ﺫﺍﻳﺐ ... ﻣﻠﻲ ﺍﻣﻌﺎﻃﻴﻬﻢ ﻭﻓﺎ ﻭﺍﻣﺎﻥ
ﺷﺎﺭﻳﻬﻢ ﻭﺑﺎﻋﻮﻧﻲ ﺭﺧﻴﺺ ﻭﺳﺎﻳﺐ .... ﻭﺑﻬﺎ ﺍﻟﺸﻲ ﻣﺎﺯﺍﻟﻮﺍ ﺍﺻﺤﺎﺏ ﻣﻜﺎﻥ
ﻭﺍﻟﻠﻲ ﺍﻧﻌﺪﻩ ﻛﻲ ﺍﻟﺼﻘﺮ ﺍﻟﻄﺎﻳﺐ .... ﻳﻄﻠﻊ ﺭﻓﻴﻖ ﺍﻟﻠﻴﻞ ﺑﻮﺟﻨﺤﺎﻥ
ﻭﺍﻟﻠﻲ ﺍﻧﻌﺪﻩ ﺑﻮﺿﻤﻴﺮ ﻭﺗﺎﻳﺐ ..... ﻗﻠﻴﻞ ﺍﺻﻞ ﻳﻀﻬﺮﻟﻲ ﻋﺪﻳﻢ ﺍﺣﺴﺎﻥ
ﻭﻟﻲ ﻋﻘﻞ ﻓﻜﺮﻩ ﻡ ﺍﻟﺰﻣﺎﻥ ﺫﻫﺎﻳﺐ .... ﺍﻣﺸﺘﺖ ﻭﺭﺍﻳﺢ ﺭﻳﺤﺔ ﺍﻟﺬﻫﺒﺎﻥ
ﻭﻟﻲ ﻋﻴﻦ ﺗﺒﻜﻲ ﻭﺍﻟﺪﻣﻮﻉ ﺳﻜﺎﻳﺐ ... ﻋﻠﻴﻬﺎ ﺍﻳﻬﻔﻮﺍ ﻓﻲ ﻋﺮﺏ ﺣﺒﺎﻥ
ﻭﻟﻲ ﻗﻠﺐ ﺩﺍﻟﻨﻪ ﺍﻛﺒﺎﺭ ﻧﻮﺍﻳﺐ .... ﻭﻣﺎﺯﺍﻝ ﻧﺒﻀﻪ ﺣﻲ ﻑ ﺍﻟﺸﺮﻳﺎﻥ
ﻭﻣﺎﺭﻳﺖ ﻑ ﺍﻟﺪﻧﻴﺎ ﺍﺳﻨﻴﻦ ﻃﺮﺍﻳﺐ .... ﺭﻳﺖ ﺍﻟﻘﻬﺎﻳﺮ ﻭﺍﻟﻌﺬﺍﺏ ﺍﻟﻮﺍﻥ
ﻭﺳﺒﺤﺎﻧﻪ ﺍﻟﻠﻲ ﻣﺎﻧﻲ ﺩﻓﻴﻦ ﺗﺮﺍﻳﺐ .... ﻓﻲ ﻗﺒﺮ ﻣﻈﻠﻢ ﺣﻄﻨﻲ ﺩﻓﺎﻥ