حكاية....

بيت شعر وحكاية وعبرة
قالوا ..
زمان كان فيه ديك وكبش وجمل عايشين مع بعض .في النجع والناس كرماء امعاهم.
وفي يوم من الايام ..
صارت مشكلة بين بين اثنين من اهل النجع
وقعدوا الناس يفكوا فيهم من بعض..
..المهم ..قعد الديك يعيط وخلاص.
جاء الليل والديك يعيط مايبي يسكت
جاه الجمل وقاله بالله مااقدرت نرقد اسكت ..خيرك تعيط
قاله الديك عارف المشكلة بتجي علي راسي
وقعد يعيط مرة ثاني .
جاه الكبش وقاله ياخوي الديك
ماقدرت نرقد اسكت ..شن دخلك فيهم العرب
قاله الديك بتجي علي راسي عارفها وقعد.
يعيط وخلاص
المهم العرب صالحوا بين اللي متعاركين وقالولهم انتم اقارب واصحاب ..وخافواربي في بعضكم ..سلموا علي بعضهم وتسامحوا
قال واحد من الجالسين ضروري نبوا عشاء
علشان يبدا بينهم ماء وملح
قال المظلوم مانبي نخسر حد
ماتذبحوا الجمل ..
قالوله شن رايك نذبحوا الكبش قال
لا والله قلتلكم مانحب نخسر حد
قاله واحد منهم القيته نذبحوا الديك
وعشاء مشي حالك وهدرزة وطاسة شاهي
قالوا الحاضرين..
واحنا ..راضييين...
..اسمعهم الديك ..
وقال للجمل والكبش قلتلكم..
( اتجي علي ....راس راقد الريح ..)
وقعد ..ايقول
طيب وماني ...قبيح
وعاقل ...ورايت العجايب
وديمة علي راقد.الريح
تنزل ....اكبار المصايب..