ملامحي تفضحني..

مشتاق غير ملامحي تفضحني ..
نخاف ياغلايا وين ما تشبحني

مشتاق لكن خايف... ❤️
تشوفني وتعرفني عليك مرايف...
وكيف دار بي الشوق بعدك صايف
من كثر شوقي ما نبي تلمحني
سلام من بعيد و شي ماني ضايف
نخاف من جديد تديرها تجرحني

مشتاق لكن صابر .. ❤️
ولو قلت صابر يا عزيز نكابر
مكسور عظمي غير ماني جابر
اللي كاسره في ما مضي فرحني
زاد من جروحي في الزمان الغابر
هبرة خذاني وبالعظام لوحني
ودوم ع النسيه والعلاج انثابر
واقف وقوف العز ماني محني..