هذا من؟؟؟ ❤

هذا من ؟؟؟ ❤️
هذا اللي ساقيني الغلا والحن
ياللي تريد جواب ....هذا من
هذا الحبيب اللافي
هذا اللي منهل غرامه صافي
هذا اللي غالي حنون ووافي
ربة اجواد ومايخيب ظن

وهذا اللي اريافه غلب اريافي
واشواقه امواج بحور ما ايكفن
وهذا شراعي ومركبي ومجدافي
رفيق درب وفي وسط الكنين سكن

وهذا غلاء واثق ومش هفهافي
عقيده الغلاء عنده و ما هو فن
وهذا عسل حنون شهد وصافي
ربيعه ازهار العمر ماايصيفن
وكان قال يفعل فعل مش خرافي
ايوفي اقدار الصوب ما ايكنكن
وع الوعد يبقى وما ايدير خلافي

يومكم أجمل برضا الله وتوفيقه... ❤️❤️