لك ياغالي ناا عاطيهم ّّّ 😉 🥰

قلبي وعيوني الإتنين...للغالي نبي نهديهم..
انا امسميه اصبي العين...انظاري ديما قاعد فيهم.
جوا قلبي اتقول سجين...ومن دمه عروقي ساقيهم.
دايرلي في الكبد جنين...اللي روس اصباعه امحنيهم
ديما واخدني الحنين...عيون الغالي نمشي ليهم..
غلاي اللي سمح التكوين...وهمساته دابلني بيهم..
غصبآآ عنه قلبي ايلين...اشواقه للغالي يحكيهم..
يحكيله عن حب دفين...ونوم عيوني اللي امجافيهم..
نا حبي فات العامين...ومايعلم بيهم غاليهم
كيف ان طال غلاي اسنين...نيران اشواقي بيش انطفيهم.
كيف اندير انا بعدين...ونا داخل قلبي كاميهم
ناا شايل فيدي نارين...انموت ومانقدر نرميهم
نار غلاي احدود الزين...ونار عيوني اللي رازيهم
حبى نلقى كيفه وين...انحطه في عيوني ايداويهم
الغالي عندي شيئ ثمين...وراني مانحكي شكلين..
قلبي وعيوني الإثنين..
لك ياغالي ناا عاطيهم ّّّّ،،،