حوار ليبي 😁😁😁

حوار ليبي بين رجل و مرته علي الصبح....
الزوجة : شن تبيني نديرلك غدأك اليوم
الراجل و بدون تفكير : والله ماذا بيا في قصعة كسكسي باللحم والخضره

الزوجة :أمّي ما تاكلش فيه

الراجل: علاش؟ هي أمك جايا اليوم؟
الزوجة: لا مرات يخطرلها تجي!

الراجل : وعلاش تنشدي فيّا عالصبح؟
الزوجة :باهي من تبيني نسأل عندي راجل غيرك .
الراجل : أنشدي أمّك

الزوجة: من قالّك أمّي بتجي ؟
الراجل.. بدي يفقد أعصابه : تي ماهو إنتي قلتي بالك أمي بتجي

الزوجة :أنا قلت ممكن مش أكيد!

الراجل : باهي خلاص طيّبي كسكسي

الزوجة : خايفة نطيّبه تجي أمّي و تقعد جعانة
الراجل : طيّبي معاه حاجة ثانية لأمّك تاكل فيها وتحبها ..

الزوجة : باهي أفرض أمي ماجتش مش حرام نرموه في الكناسة

الراجل :أوووه بالله طيبي إللّي تبيه ومرة ثانية معاش تنشديني

الزوجة : وأنت خيرك متضايق ومتعفلق وراقيلك الزيت من الصبح شني ماتبيش أمي تجيني ؟؟
قولها من الصبح وريحني نعرفك ماتحبهاش
وأنا والله ماني مطيبة حاجة ووووو وترا حطني في حوش أمي

الراجل : اطلعي قدامي باش طيبي لأمك وبوك وخوتك مع بعضهم
وانا توا نمشي نتغدي عند امي .
الزوجه .. ايه قول هكي تبي غير ماكلة امك ..
الراجل .. انقولك حاجه انا صائم اليوم باهي هيا فكيني ..
الزوجه.. باهي كيف انت صايم اعلاش انطيب ونلوح ..
الراجل ... واك واك واك 😁😁😁