بنت الوطن ❤🌹

بنت الوطن معدنها ... صافي نقي ياصاحبي مزينها
والعز هلها والشرف موطنها ... اتصون الغلا وماأدير فينا السيه
وبين النسا ياصاحبي تفطنها ... بالزين تعرف ياصاحبي الليبيه

اتصون الغلا وأتقيمه ... مهما قست في العين عندي
واتصون عرضي يا رفيقي ديما ... ولو كان طالت بالسنين الجيه
وبنت الوطن لما الحياة عديمه ... كيف النخل تعطي ماتريد اميه

بنت الوطن جدايه ... والوالده ياصاحبي ومنايه
وهي الحنونه وين يكبر دايه ... بنت الوطن ياسامعين أوخيه
ترفع معايه بالمحبه رايه ... راية وفا ياصاحبي وحنيه
وفيها مدحنا مانريدو غايه ... غير نار شعلت باللهايب فيا
من غيرتي وأنريدها دعايه .... لبنت الشرف والمجد والبيتيه