واحد صاحبي

السلام عليكم...
- واحد صاحبي كان بيحب واحده وأهله رافضين يتقدملها ، فشرب سم عشان ينتحر ولحقوه ف آخر لحظة وبالفعل اتجوزها .. مكملش ٨ شهور وطلقها .. وابن خالتي اتجوز واحده مكنش بيحبها لأنه كأن بيحب غيرها ، بعد الجواز لقي فيها حاجات عجبته حبها وعايشين ف سعادة غامرة ...

- الشيخ أبو إسحاق بيحكي أن شاب عندهم مشلول ع كرسي متحرك فضل اكتر من ١٠ سنين يتعالج ويدعي ربنا أنه يشفيه ، وبالفعل ربنا شفاه وسافر ايطاليا وهناك اتحول من شاب ملتزم لشاب سكير بيرتكب كل المعاصي ومات من جرعه مخدرات ، فكان الشلل ف مصلحته ..

- انيس منصور كان مسافر سفريه مهمه ف أمريكا وقبل ميعاد الطياره بساعات امه تعبت فاضطر يلغي سفره ورجع من المطار مضايق .. بالليل بيتابع الأخبار عرف أن الطياره وقعت ف المحيط ..

- ربنا قالنا " وعسي أن تكرهوا شيئاً وهو خير لكم ، وعسي أن تحبوا شيئا وهو شر لكم ، والله يعلم وانتم لا تعلمون " ربك حكيم خبير عارف ايه اللي ف مصلحتك ولو حتي انت شايفه شر ليك .. يمكن الجوازه إلي هتموت عليها شر ليك ، ويمكن المرض جالك عشان يمنع عنك شر او يدخلك الجنه ، ويمكن منعك من الخلفه عشان مايجيش ولد عاق يكرهك ف نفسك ، ويمكن اخذ منك حاجه ليعوضك بالافضل منها ففرحتك تزيد ، او ياخد منك حاجه عشان تعرف قميتها فتحافظ ع غيرها .. خليك فاكر دايما مع كل حاجه بتحصلك " والله يعلم وانتم لا تعلمون "
"قد يكون المنع عين العطاء، ولكن كيف تصبر على مالم تُحط به خبرا" 💙
‏