اوقات....

اوقات كتير بتعدي علينا لحظات ضعف .. بنحس اننا جيبنا اخرنا من كل حاجه
بناخد ركن في مكان لوحدنا .. ونفضل نبكي زي الأطفال … نبكي لغاية مانطلع كل اللي جوانا واللي مش عارفين نحكيه ازاي .. او حتي نحكيه لمين ..
وبعد مانخلص بكاء .. نمسح وشنا .. ونخرج للناس .. لاصحابنا .. لاهلنا ..
نسمع منهم مشاكلهم .. ونطبطب عليهم نمسح دموعهم ونواسيهم ..
واحنا من جوانا أضعف منهم بمليون مرة ..
لكن للاسف في ناس كدة .. شكلهم اقوي من ان حد يعتقد انهم موجوعين وبيتألمو ..
ناس اتكتب عليهم يسندو غيرهم ومايلاقوش اللي يسندهم .. او بمعني اصح مايلاقوش اللي يحس بيهم وبانهم هما كمان محتاجين اللي يسندهم..