براد شاهي 🫖🍵

براد شاهي عل الحطب يبيلـه
ميعاد راكـــح وين يقصـر ليلـه
وهدراز يحكيلي ونا نحكيله
انجيبوا حكـاوي مالهـاش نهايه
نحكوا سرايب عالزمان وميله
وميلـة زماني وكيف صـار معايا
في وقت متعود على تدليله
اليوم الدلال معـاي تمـاا غايــه
ومرات نحكوا عل الغنم واكحيله
مع كل طاسـه نسمعوله احكايـه
براد شاهي وطنجرة مكرونه
عادات سمحه من ايدين حنونه
عادات ناس ابوادي
وعادات سمحه من اجواد ابلادي
جود وكرم لظيف جاي اقصادي
ولجواد ديما بيوتهم مصيونه
براد شاي وطنجرة مكرونه
والحاجة ام الرداء لحنونه