☘☘كبير قدرهم رفقة عمري 🥰 ☘☘

كبير قدرهم عالراس ديما نشيله..
رفقة عمري
وما هناك في هالكون من يسواهم..
اللي وصفهم يشبه خيول أصيله..
مليان قلبي وخاطري بغلاهم..
وملزوم نسعدهم بأي وسيله..
وديما الغوالي اني نجيب زهاهم..
اللي زينهم لا ما هناك مثيله..
من تو اني نطرب مع مطراهم..
وين يخطروا عقلي يشد رحيله..
ويفوت مايطفى إلا بحداهم..
اللي عشقهم وافي فقلبي كيله..
من قبل حتى مانتلاقى معاهم..
عالوصف قالولي أوصاف جميله..
وماكبكبوا في وين ما قربناهم..
وهما عويلتهم ونعم العيله..
ولينا وديعه من زمان حداهم..
وهم كيف ربايتهم الحق قليله..
في هالزمان قلال ماتلقاهم..
من يحملو عيشة سنين طويله..
من غير عيب وماتشوف خطاهم
وهم عقلهم فايت انداده وجيله
وربي تواصيف الغزال عطاهم
وبالزبط راهم يشبهو الهميله
وندعي العالي دوم لي يرعاهم
وليكم نريد نقووولها الحصيله
رانا دلال العيــــــــن سميناهم.