مريحة فكرة...

مريحة فكرة إنك تلاقي رُكن أمان في حياتك ..
حد بتروحله لما الدنيا بتيجي عليك .. حد مش مُحيِّر ومش متعب و مش مؤذي لروحك ..

لا بيسيب الاحتمالات تاكل عقلك ولا بيدوس على الأمل اللي جواك ..

حد كلامه ليه إيدين بتطبطب
مبيختفيش ويسيبك تحط مليون سبب ياترى بيبعد ليه!!

بيهتم بتفاصيلك من غير ماتطلب ..
الفكرة مش في الكلام الحلو قد الإحساس الحلو اللي ناتج من كلام عادي و بسيط ..

الفكرة في قدرته على سماع ابسط تفاهاتك ولا كأنها أعظم مشكلة كونية ..

"الاحتواء" ..
في ناس بتقدر تحضن بكلامها .. بتعرف تهدِّيك وتخرجك من أقصى غضبك و ألمك ..

مُريح جدا الشخص اللي انت بتبقى مطمن وانت معاه وعارف انك هتصحى بكرة تلاقيه زى دلوقتي
ومرعبة جدا فكرة إنك تبقى عايش مُهدد بالاختفاء ..