الخيط المتين

ايـدي وايدك ، والخـيط المتين .
كان فيه بينا شئ أكبر منـا ، شئ مخلينـا م نسيبوش بعض حتى مع توفر الأسباب ، شئ أقوى مني ، أقوى منك وأقوى حتـى من الوقت ، كل طريق نمشي فيها م تكونش نهايتها حاحة غيرك ، وكـل ليل يغطي قلبي بعده يجي صُبحك ، كنت منصدقش في انه ممكن يكونوا شخصـين سجن لبعض وم فـيش ليـهم حرية من بعـض للأبـد ، لـين عرفتك ، بـديتِ سجنِي الـي نحـب ، وحـريتي حـتى ، بديتِ بدايـة الطريق ، والفـرحة الي فـ أخرها ، ساعـات الليـل ونسمـات الصبح وضييّه ، بديتِ انـي بشكل ولا بالتـاني ، نحـبست فيك وتلبستـك ، وأه ياريته كل الحبوس انتِ ، وكـل الحرية ف بعدك معدومة .