زمان ....!!!

زمــــــــــــان
سيارة وحدة في الحوش تكفي الحوش و حتى الجيران .
و تـــــــوا
في الحوش وكالة سيارات و الأم ما تحصلش من يجيبلها خبزة .

زمــــــــــــان
تعرف شن متعشي جارك .
و تـــــــوا
يمرض و يسافر و يروح و أنت ما تعلم عليه شئ .

زمــــــــــــان
الأستاذ قدوة لطلبته .
و تـــــــوا
يدخن معاهم .

زمــــــــــــان
تلفزيون واحد في الحوش و قناة وحدة و فقرة للصغار و فقرة للكبار .
و تـــــــوا
كل دار بتلفزيونها و ألف قناة و لا مراقب .

زمــــــــــــان
العيل لما يغلط يرده على غلطه بوه أمه خاله جاره عمه .
و تـــــــوا
يغلط لرأسه و أمه تضحكله و ما تبيش حد يلمسه .

زمــــــــــــان
تلفون واحد في الحوش وما يردش عليه إلا الأب والا الأم .
و تـــــــوا
كل واحد في الحوش عنده نقال و لا مراقب .

و نسألو في روحنا شن خلانا نتغيـــرو .