كـ❣ـہبـ❣ـہرنـ❣ـہآ

كبرنا لدرجة معادش ندورو على صاحب جديد ولا على ناس يحبونا
كبرنا بدينا نلبسو في نفس الحوايج يومين وثلاثة وراء بعض
لدرجة أننا بدينا نخافو على أهلنا بدل ما نخافو منهم
كبرنا لدرجة أننا نتنازلو على رأينا حتى لو متأكدين أننا على صح
وبدينا نخلو في الأيام هي اللي تتبث صحة كلامنا
بدينا نفرحو في هدوء ونبكو بارواحنا معاش يهمنا شن ماركة لبسنا .معادش يهمنا حتى شن تغدينا. ولا شن نوع الماكلة ديما حامدين ربي
كبرنا وبدينا نتمنو نرجعو صغار .كبرنا وعرفنا فعلا أن مش كل شيء يلمع ذهب .وإن حبل الكذب قصير.