ياريت باتي حي

ياريت باتي حي ...
نحكيله علي حاجات صارن في ...
ويشيل دمعتي
....
ياريتني نشكيله
وهو حي يسمعني بعد نحكيله
بالحن يمسح دمعتي العليله
يجيب الدباره كان ضاقت بي
اللي قبل كانت كلها تصغيله
بفعله الطيب للاصحاب وفي
ويانا اللي نبكي اسنين طويله
بعد غيبته غابوا أعزاز علي


ياريت يبقي احذايا
وترجع ايامه و ضحكته يالايا
نحكيله علي كل شي صار معايا
و يهون علي الجرح حتي اشوي

ياريت حي ايجيني
ونوعى علي صوته تشوفه عيني
ويشيلني من وجع مطلع ديني
ويطرد الياس اللي تعلق بي

ياريت باتي حي
نحكيله علي حاجات صارن في
ويشيل دمعتي