ربي يحفظ البلاد والعباد

بعد التعب زعمك  الخير يجينا
ولا  كليناها.      وراحت.   فينا
    ،،،،،،،،،،،،،
زعم نرتاحو❤️
يدور الفلك.  وهمومنا.  ينزاحو
وايامنا.   بعد النكد.     يسماحو
وتضوي شموع الفرح ف ليالينا

والا نطيحو كيف هللي.  طاحو
ولا منو.   ينشد لا  يسأل علينا
     ،،،،،،،،،،،،،،
زعم نتهنو😔
والجو يصفى  كيف.   ما نتمنو
ونبدو طرابه   نضحكو.  ونغنو
وفي بيوتنا ترسم أفراح  وزينه

والا  نعدو.   عمرنا.       نستنو
لين التراب.     يهيلوه.    علينا
     ،،،،،،،،،،،،،
زعمك يزول الهم💔
ويكف. النزيف وجرحنا  ينضم
ولا ثار.   يبقى.       بينا   لا دم
ننسوه شبح الحرب ودخاخينه

ونبقو.  احباب.    وشملنا  يلتم
وتصفى القلوب  وربنا.   يهدينا

والخير يكثر في.   البلاد  يعم
بعد ضيق يفرجها الله علينا🤲