حالي طيب 😔

حالي طيب ..
لولا سوايا من قريب اقريب
كان تنشدو ع الحال..

طيب حالي ...
وعايش سعادة مانظرها والي
كل يوم ندهور معاي عيالي
وديما علي لاصحاب ما انتغيب
رايق مع روحي وهاني بالي
وكل شي يهلكني خلاص امسيب
امغير عيب جاني من قريب وغالي
وانسان نحسابه رفيق احبيب
مازال جرحه كل يوم اقبالي
ومحال سياته علي اتغيب
خلا حياتي تنقلب طوالي
نين الشعر في الراس كله اشيب
اللي توجعك عليت قدره عالي
وهو من ورايا كل يوم ايعيب

للشاعر نعيم الزوي..