ياللي تنشدو عالحال

في حال ياناشد علينا حاله
حيين لاكن في حياه مذباله
حال ايموح
حال العزوز اللى امغير اتنوح
عدى ولدها فى سفر مــا روح
عميها وما تكساب غير خيالـه
اوقات نبقى زاهى
وأوقات نبقى فى همومى لاهــى
وأوقات حتى الشين عندى باهى
واوقات حتى الزين مـــــا نرعاله
حال إيشـيــّـب
حال كـيف نحـكى لك عليه أتريـّب
اللى كان فى الأول نظيف وطيـّب
تغـير ربـط فى كل ذيل أحـبــــاله
وباعد اللى من قبل كان أقـــريب
وقـدّم اللى يرضى بكـل سفـــاله
هذاالحاضـرخـوذ وإلا سـيــّــــب
أمغير تنجمط ماعاد أهناك عداله
حال الهده
وحال الجواد اللي انكسر بالعده
واحد زدم شوره وناض وشــــده
واحـــد خـــــذا الكلاب فك نعاله
حال القهره
وحال القعود اللي برك في الصحرا

واحـــــد تقدم لـــــه وشدا ونــــــحره
ولاخـــــــر خذا الســــــــاطور ودناله