ماتقول داير شي

لشاعر عمران القزون
ماتقول داير شى
جرحنى عزيز وجا يساول فى عليك عزم عنده
ماتقول فينا دار
.امواجع عزيز امعا جروح اكبار
لارق عزمه لارحم لنظار
لاعاد ذكرى ذكراتا بى
ولاتقول ذايق من خطاه امرار
ولاعاد نهمه أن متت والله حى
جانى ايجامل فى طرف زوار.
سبحانه عزيز اليوم هك ابقى
ولاباس كنك قال باختصار.
وماقبل حوته مد يدا لى
وبعيبا وجرحا ولوعته والنار
لو قال ((آسف)) مايهون على
وندور وتلقى للعزيز اعذار
ممكن خطا عفوى عزيز اخطى
ونكانهن اظروف وزارا زرار
وين ينتهى ظرفه اساع ايجى
امغير ماقهرنى قهر مسع صار
متغير عزيز ومقتنع وانسى
ولايريدلى ذكرى ولاتذكار
ولايريدلى خلطه انكان القى
عزم كبير
.ولاحس ذنب ولا عذاب ضمير
داير ومو داير امعايا خير
ساهر وهو راقد ابنوم هنى
ونا الليل كله ناخذه تسطير
اجروحة خطاه ومن شقاى اغلى
وخايف عليه انقول تو يطير
انراضيه لو يزعل عزيز اشوى
ولاعمر رضانى على مايدير
نزعل ونرضى ونعتذر وانجى
لاالقلب عندى مقتنع بالغير
ولا القلب عنده حس مرة بي