فارح بكبش سمين

فارح شاري كبش سمين
......وحاجز في بدلة عربيّه
وجايب شوّايه وموسين
......وداير لعياله عيديّه
وهو ماشايف خوه اسنين
......ولاعمره زاره في جيّه
وناسي أمه من عامين
.......وحيده في الدنيا منسيه
و بوه متباعد عنه زين
........امسّكر ما يبي طاريّه
واخته مو عارفها وين
....... ايتبع في رايات وليّه
لا يعرف رحمة ولا دين
..........ولا عنده مالحن اشويّه
امعادي لا واحد لاثنين
..........وداير عركه مع الجمليّه
ايعيد كيف وقلبه شين
...........ومنزوعه منه الحنيّه