الناس لولين قالو!!

قالو الراجل زي الصيد لما يغيب يجيب
؛ وولدك لما يكبر خاويه ؛
وبنتك لما تكبر صاحبها ؛ وما ادّخلش لحوشك حاجة غريبة إلا الشعير والطعام ؛ والغريب والفار ماتوريلهمش باب الدار ؛ وخود بنت الأصول عليها الزمان يطول ،
ودور لولدك خال ؛
وسكر دارك قبل ماإتخنِّبْ جارك ؛
وأربط تلقي ماتحل ؛
واللي يحط التريس في ظهره مايرقدش ؛
واللي يعشم الولايا مايربحش ؛
واللي تخدمه طيعه واللي ترهنة بيعه ؛
وعيش راجل ماتحطش خشمك في الوطي ؛
أعطي كلمة وموت عليها راهي التريس ترتبط باللسان ؛
وخش البلاد بهلها ؛
وكان تغربت عليك بالسكات ؛
الغريب يكتروا سياته وسكاته حسنات ..